Tjaldstæðið í Kalmannsvík

Tjaldstæðið á Akranesi er staðsett í Kalmansvík sem er falleg vík í útjaðri bæjarins. Það er mjög falleg fjallasýn til norðurs þar sem Snæfellsjökull skartar sínu fegursta á björtum sumardögum. Útsýnið er ekki síðra þegar horft er til Akrafjalls. Skemmtilegar gönguleiðir eru meðfram ströndinni og þá er stutt í fjölbreytta þjónustu frá tjaldsvæðinu; verslanir, sundlaug, söfn og golfvöll svo dæmi séu tekin. Þá er hægt að leigja reiðhjól á tjaldsvæðinu og fara hjólandi um Akranes.

Aðstaðan

Tjaldstæðið er vel búið með sturtum og þvottaaðstöðu.  Rekstraraðilar leggja sig fram um að halda allri aðstöðu snyrtilegri, og verðlagningu í hófi.
Göngustígar liggja um svæðið til allra átta.  Svæðið er einnig áhugasamt svæði fyrir fuglaáhugamenn bæði sjófugl og landfugl. 

Opnunartími

1. maí til 30. september

Upplýsingar um tjaldstæðið má einnig nálgast á tjalda.is