Götugrill

Meðal fastra liða á Írskum dögum eru hin geysivinsælu götugrill víðs vegar um bæinn á föstudeginum en þá eru flestar götur bæjarins lokaðar af á einhvern hátt og stórum grillveislum slegið upp. Írskt skreytingarefni var uppselt á landinu á síðasta ári þar sem íbúar leggja ávallt mikinn metnað í skreytingarnar og hvarvetna má sjá írska fána, blöðrur og veifur. Fólk er því hvatt til að huga snemma að skreytingum í ár og skreyta jafnvel fyrr en áður – allt til að skapa réttu stemninguna!